Tes dous cans dunha mesma raza e pelexan entre eles?. É a cuestión que unha seguidora de Podcans expuxo ao educador canino Diego Álvarez a través do correo electrónicopodcans@gmail.com e que está dispoñible para expor dúbidas ou situacións relacionadas con estes animais.
Neste podcast, Diego Álvarez explica que motivos poden ser os detonantes desa conduta, como unha protección de recursos, picos de tensións, unha resposta de tipo territorial ou unha falta de socialización. Ao tempo ofrece unha serie de pautas de actuación para reconducir ese comportamento.
Non pode faltar a imaxe que acompaña cada programa de PontevedraViva Radio. Neste caso o can que require adopción corresponde a Fritz, un macho de dous anos, vacinado, desparasitado e castrado. Socializa ben con persoas - adultos ou nenos -, e tampouco presenta problemas de saúde nin de conduta.
Atópase custodiado por Arca de Noia. Quen teña interese en realizar a adopción pode contactar no teléfono 652361499.