Os viais afectados polas obras de construción da subestación da rede eléctrica en Bértola reformaranse en novembro
Por Redacción
A construción da subestación que a Rede Eléctrica Española (REE) executa na parroquia de Bértola en Vilaboa provocou danos en diferentes viais de acceso. Responsables desta empresa mantiveron un encontro co alcalde César Poza e comprometéronse a reparar estes problemas unha vez que rematen os traballos centrais desta infraestrutura que garantirá o subministro eléctrico ao Eixo Atlántico Ferroviario.
O alcalde visitaba a zona para comprobar que a subestación causará o menor impacto ambiental posible na parroquia e que estes traballos se están a desenvolver con plenas garantías de seguridade para a veciñanza.
A presenza habitual de camións pesados para trasladar materiais á subestación provocan os danos nas distintas vías de acceso. A empresa que realiza as obras agarda rematar a mediados de novembro a parte fundamental da obra da subestación e a partir dese momento se vai repoñer o firme danado das estradas, segundo explicaron os responsables a César Poza.
A subestación ademais de abastecer de enerxía eléctrica ao AVE reforzará o servizo para os municipios de Pontevedra, Vilaboa, Pazos de Borbén e Caldas de Reis. Está previsto que comece a funcionar durante o primeiro trimestre de 2021.
A subestación de transporte de enerxía eléctrica de Bértola, de 220 kW, ocupa unha superficie de case 11.000 metros cadrados e a súa construción conleva movemento de terras, execución de drenaxes, canalización de servizos, construción dun edificio de mandos e un viario de acceso, ademais de tendidos aéreos e un peche perimetral.
Relacionadas:
-
Vilaboa negocia con Rede Eléctrica un cambio no trazado do abastecemento auxiliar da subestación
Por Redacción |
-
Adif adxudica a subministración de equipos para a posta en servizo da subestación eléctrica de tracción de Tomeza
Por Oskar Viéitez |
-
Vilaboa investirá 243.000 euros en obras para mellorar os servizos antes de final de ano
Por Redacción |