Arranxar o muro dunha casa en Lourizán, nova demanda do PP Local
Por Redacción
O Partido Popular de Pontevedra segue visitando as diferentes zonas do rural pontevedrés.
Os concelleiros María José Rodríguez, Ana Isabel Vázquez e Miguel Meijón visitaron este mércores o lugar de Caritel, en Lourizán, dende onde solicitaron o "arranxo imediato" do muro exterior dunha propiedade en estado de abandono e que ameaza con derrubarse sobre a estrada.
Segundo o trasladado polos populares, os veciños denunciaron a situación ao Concello en varias ocasións, tal e como sinala María José Rodríguez: "é responsabilidade do goberno municipal de Fernández Lores executar as obras para garantir a seguridade dos veciños antes de que o muro se derrube sobre a estrada. Os veciños teñen medo de que se produza un accidente cando empece a chover e o muro siga desprazándose"
A preocupación dos residentes no lugar, segundo o PP, se estende ao mal estado do terreo e da casa, en ruínas e chea de maleza.