Unha persoa ferida nun aparatoso accidente na AP-9 en Barro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Unha persoa resultou ferida e tivo que ser trasladada ao Hospital Domínguez de Pontevedra tras verse implicada nun aparatoso accidente regisrado na autoestrada AP-9 ao seu paso polo municipio de Barro.
A Axencia Galega de Emerxencias recibiu varias chamadas de particulares a partir das 12.52 horas deste mércores indicando que se producira un accidente entre un turismo e dous camións.
Segundo o 112, o sinistro produciuse á altura do punto quilométrico 122 en dirección Pontevedra-Santiago e trasladáronse ao lugar unha ambulancia do 061 e a Garda Civil de Tráfico.
Testemuñas presenciais indicaron que a consecuencia do aparatoso accidente a circulación retardouse na zona, pois os vehiculos invadiron parte dun carril. De todos os xeitos, non chegou a cortarse o tráfico en ningún momento.