Medio Ambiente alongará a traída para incluir a varias vivendas de Marcón
Por Redacción
A Consellería de Medio Ambiente alongará a traída para a dúas vivendas e dous talleres de Marcón que quedaron fora do proxecto de saneamento realizado polo Concello de Pontevedra.
Ante a dificultade que entraña enganchar o tramo xa feito ao colector situado ao lado contrario da estrada onde se atopan estas vivendas, a solución aportada pola empresa adxudicataria, Espina & Delfín, é alongar a canalización 140 metros para enganchar coa traída principal. Deste xeito, faríanse catro acometidas e 3 pozos.
O xefe territorial da Consellería de Medio Ambiente, Territorio e Infraestruturas en Pontevedra, José Luis Díez, comentou nunha visita parroquia de Marcón que "deste xeito, damos unha solución a estas familias do lugar de Pazos-Carregal tal e como nos demandaron os afectados recentemente", explicou.
En Marcón o orzamento foi de 843.800 euros, que supuxeron a execución de case cinco quilómetros de acometidas e 148 pozos de saneamento evitando así as infiltracións de augas limpas a rede.
Os traballos xa se atopan executados a día de hoxe ao 95%.