O Liceo Casino nomeou este xoves "socios de honra"
Por Oskar Viéitez
O Liceo Casino nomeou este xoves "socios de honra" a catorce pontevedreses que cumpren as súas vodas de ouro na institución. Entre os homenaxeados figura o ex alcalde de Pontevedra, Francisco Javier Cobián Salgado, "Pancho" Cobián, alcalde capitalino entre 1991 e 1995. Dáse a circunstancia de que Cobián foi tamén directivo do Liceo Casino nunha etapa difícil como foi a súa reconstrución nos anos oitenta tras o incendio.
Cobián, agora xubilado, renunciou á política tras o seu paso pola alcaldía, "fueron unos años, una experiencia, ocho años que estuve en la política, cuatro de alcalde y cuatro en la vicepresidencia de la Diputación, y bueno es muy difícil".
E engadiu, "sin embargo de algunas cosas queda uno contento, ahí queda el puente de los Tirantes, ahí queda el desarrollo del campus, el Cuartel de San Fernando para Bellas Artes, algunas obrillas el Auditorio se empezó en mi época, cosas que dejan a uno satisfecho por haber hecho algo por su pueblo".
Cobián entrou en política da man de Diego Murillo e Mariano Rajoy. ÿ coñecida na cidade a anécdota do anuncio da súa candidatura á alcaldía, que sorprendeu todos, especialmente a Jesús Osorio que era o candidato oficial pero que caeu do cartel electoral dúas horas antes da súa presentación oficial.
Rivas Fontán gañou aquelas eleccións e Pancho Cobián liderou a oposición, sendo deputado provincial e vicepresidente da Deputación. Foi á segunda, en 1991, cando se converteu en alcalde de Pontevedra.
Famosa tamén é a súa saída da política, despois de que o presidente da Xunta, Manuel Fraga, o puxese contra as cordas para que non participase nunha manifestación cidadá en defensa do seu proxecto estrela, o Campus. "Mi querido amigo: O está usted conmigo o está contra mi", díxolle Fraga, segundo reflectiron os cronistas.
Desilusionado co seu partido, Pancho Cobián deixou a política ao rematar aquel mandato.
Xunto a Cobián foron nomeados "socios de honra" do Liceo Casino: José Luis Basanta Campos, Ángel Jesús Caruncho Amor, Celestino Casal García, Manuel Cendán Vilela, Manuel Equileta Yáñez, Demetrio Gómez Estévez, Enrique Hernández Iglesias, Olimpio Liste Regueiro, Sergio Luis Martínez Abal, Alfonso Paredes Pardo, José Paz Andrade, Luis Rodríguez Bargados e Alfredo Toranzo García.