Dúas persoas resultan feridas nun atropelo en Bueu
Por Redacción
Un atropelo acontecido á primeira hora deste xoves 30 de xullo en Bueu saldouse co balance de dúas persoas feridas.
O suceso produciuse ao redor das 8:30 horas á altura do número 27 da rúa Eduardo Vincenti, confirma o Centro de Atención ás Emerxencias 112 Galicia.
Foi un particular o que aviso do accidente e segundo o seu relato, sinala o 112, dúas persoas necesitaban asistencia sanitaria.
A pesar das lesións sufridas ambos se atopaban liberados e accesibles, completa o 112, que trasladou o aviso aos servizos de urxencias sanitarias para prestar atención ás dúas persoas afectadas polo atropelo.