Na hosteleria de praia de Marín: de aseos privados a aseos públicos para un verán atípico
Por Redacción
Moitas circunstancias cambian neste atípico verán subxugado aos condicionantes que impoñen as medidas contra a COVID19. Se en condicións normais, os areais ofrecen aos seus usuarios uns servizos públicos aos bañistas, este 2020 en aras da seguridade sanitaria as súas portas permanecen pechadas.
Para liquidar esta demanda e dar cobertura a estas inevitables necesidades, o Concello de Marín chegou a un acordo cos establecementos hostaleiros que se sitúan nas praias do municipio. Como informa a Concellería de Turismo, dado que os servizos públicos dos areais non se poden utilizar, acordouse con este sector que os seus servizos deixen de ter uso restrinxido e poidan ter uso público.
Como contrapartida, o Concello proporciona material de limpeza e material sanitario aos negocios que acceden a esta proposta. A titular de turismo, Cristina Acuña, comezou este mesmo xoves a repartición de lotes de papel hixiénico, lixivia, produtos desinfectantes e mesmo kits de primeiros auxilios para poder atender algunha urxencia que se puidese producir cando non está operativo o persoal de socorrismo.
En funcionamento semáforos de ocupación
En relación tamén ás praias de Marín, nos areais de Portocelo, Mogor, Aguete e Loira están operativos os semáforos que indican a ocupación en tempo real. Trátase da mesma información que xa ofrece a web do Concello de Marín a quen consulta o número de bañistas que en cada momento rexistran estas praias.
Relacionadas:
-
Ciclo de cinema ao aire libre en Marín para o verán da COVID19
Por Redacción |
-
Marín leva destinados 300.000 euros en seguridade e hixiene para as súas praias
Por Redacción |
-
Na praia, non sen a túa máscara
Por Redacción & Cristina Saiz |
-
Último día de praia sen obriga de máscara: moita xente, pouca protección
Por Cristina Saiz & Redacción |
-
Intelixencia artificial e semáforos virtuais e físicos para saber desde a casa se hai oco nas praias de Marín
Por Natalia Puga |