Falece un home en Castrelo, Cambados, ao envorcar o tractor que manexaba
Por Redacción
Tráxico suceso o acontecido a última hora da tarde deste martes 21 de xullo na localidade cambadesa de Castrelo.
Un home perdeu a vida despois de sufrir un accidente co tractor que manexaba.
En concreto, segundo informa o Centro de Atención ás Emerxencias 112 Galicia, o vehículo envorcou quedando o home atrapado baixo a estrutura.
Ata o lugar desprazáronse efectivos de urxencias médicas do 061, pero nada puideron facer por salvar a súa vida.
Ademais colaboraron no dispositivo efectivos de Protección Civil, Policía Local, Garda Civil e os Bombeiros de Ribadumia, que tiveron que intervir para liberar á vítima.