Paran nun control en Meaño un grupo de oito motoristas e sete deles dan positivo en alcolemia
Por Redacción
Con motivo do repunte no número de accidentes con motocicletas rexistrado durante os últimos días, o Subsector de Tráfico da Garda Civil de Pontevedra intensificou durante a fin de semana a vixilancia nas estradas frecuentadas por motocicletas co obxectivo de reducir a accidentalidade.
Esta vixilancia provocou unha situación canto menos pouco habitual, cun positivo en masa dentro dun grupo de motoristas que circulaban pola comarca do Salnés.
En concreto os axentes deron o alto nun control habilitado o domingo 19 en Meaño a un grupo composto por oito motoristas. O curioso do caso é que sete deles deron resultado positivo na proba de alcoholemia.
Dentro da gravidade da situación destaca o caso dun de pilotos, e é que superaba máis de catro veces a taxa máxima permitida, con 1,14 Mg/ l en aire inspirado, o que está cualificado como delito. Por ese motivo foi investigado como suposto autor dun delito contra a seguridade viaria e pode enfrontarse a unha pena de prisión de 3 a 6 meses, multa de 6 a 12 meses ou traballos en beneficio da comunidade de 31 a 90 días. A iso súmase a retirada do permiso de conducir vehículos de motor e ciclomotores por tempo entre 1 e 4 anos.
Desde o Subsector de Tráfico da Garda Civil de Pontevedra quixeron facer un chamamento á prudencia ao observar que tras o confinamento rexistrouse un repunte nas infraccións por exceso de velocidade e alcoholemias, así como un aumento na sinistralidade.