Evacúan seis persoas de Ons tras sufrir un accidente o patrón do seu barco
Por Redacción
Seis persoas tiveron que ser evacuadas esta tarde dun barco que estaba fondeado nas inmediacións da illa de Ons, despois de que o patrón da embarcación sufrise un accidente.
Segundo informou Salvamento Marítimo, o accidente produciuse sobre as tres e media da tarde deste luns.
A embarcación Salvamar Mirach, ademais de auxiliar ao patrón deste barco, coñecido co nome de Gruxel, tivo que evacuar aos outros cinco pasaxeiros ata Bueu.
Ningún deles, segundo explica este organismo gobernamental, tiña coñecementos náuticos para poder manexar a embarcación e volver a terra.