Unha embarcación arde por completo na rampla do peirao de Vilaxoán
Por Redacción
Unha embarcación ardeu por completa durante a madrugada deste domingo nun incendio declarado cando se atopaba na rampla no peirao de Vilaxoán, na parroquia de Sobrán, en Vilargarcía de Arousa.
Segundo a información facilitada polo Centro de Atención de Emerxencias de Galicia 112, o incendio rexistrouse sobre as 1.15 horas da madrugada. O alertante que chamou para informar do suceso asegurou que non había persoas afectadas.
Desde o servizo de xestión de emerxencias puxéronse en contacto cos Bombeiros do Salnés e dos membros do Servizo Municipal de Emerxencias da localidade. Así mesmo, informouse da situación aos axentes da Policía Local de Vilagarcía.
Tras finalizar as tarefas de extinción os equipos de emerxencia desprazados comunicaron ao 112 Galicia que a embarcación ardeu na súa totalidade.