Portocelo, Mogor e parte de Aguete estrean xullo con socorristas
Por Redacción
As praias de Portocelo, Mogor e Aguete 1, en Marín, estrearon o mes de xullo con socorristas vixiando a seguridade do areal.
Segundo a información facilitada polo Concello de Marín, estas tres praias contan con este servizo activo desde a tarde deste mércores 1 de xullo e o resto de praias poderán contar cos socorristas a partir do venres.
Ademais, o Concello deu a coñecer que este xoves está previsto realizar unha nova proba de selección para cubrir as vacantes que aínda están dispoñibles. Será en Mogor a partir das 10.00 horas.
Marín tamén está rematando de configurar o sistema informático de conteo en tempo real do aforo das praias, un mecanismo de control que se traducirá nun semáforo con catro niveis (baixo, medio, alto e completo) que se poderá consultar a través da web do Concello, das redes sociais e dunha aplicación.
O sistema estará funcionando ao cen por cen previsiblemente a partir do venres, especialmente pensando de cara á fin de semana, cando se nota unha maior afluencia de persoas aos areais.
Relacionadas:
-
Marín mellora a sinalización e reforza o material de salvamento nas praias con Bandeira Azul
Por Redacción |
-
As picaduras de fanecas e avespas copan o traballo dos socorristas das praias de Marín
Por Oskar Viéitez |
-
Marín leva destinados 300.000 euros en seguridade e hixiene para as súas praias
Por Redacción |
-
Intelixencia artificial e semáforos virtuais e físicos para saber desde a casa se hai oco nas praias de Marín
Por Natalia Puga |
-
Loira será a praia de Marín que disporá de máis capacidade para acoller bañistas este verán
Por Redacción |
-
Un semáforo informará do nivel de aforo das praias de Marín
Por Redacción |
-
Marín apura a selección dos socorristas que vixiarán as súas praias este verán
Por Redacción & Mónica Patxot |
-
Mogor acollerá as probas de selección de socorristas e patróns de embarcacións para a tempada estival
Por Redacción |