O repintado da autovía do Salnés obrigará a pechar un carril en cada sentido viario
Por Redacción
As obras de repintado das marcas viarias da autovía do Salnés obrigarán a manter pechado ao tráfico un carril en cada sentido de circulación a partir do lunes 1 de outubro. Os peches prolongaranse ata o xoves 18 e realizaranse de forma escalonada.
A Consellería de Medio Ambiente anuncia que procederá a repintar parte das marcas viarias da autovía do Salnés no treito comprendido entre as proximidades do enlace de Curro coa PO-531 e o enlace de Sanxenxo.
Para realizar o repintado das liñas do eixo e beiravías e dos símbolos de ambas calzadas é necesario executar cortes dun carril no tronco da autovía, de lonxitude aproximada de entre catro e cinco quilómetros, pero tendo en conta que se deixará habilitado en todo momento un carril para a circulación en cada sentido. Todas estas afeccións ao tráfico serán informadas de forma continua aos usuarios mediante paneis de mensaxería variable.
Así mesmo, o repintado do borde esquerdo e eixo das glorietas dos enlaces obriga a executar cortes do carril interior das mesmas, deixando en todo momento o carril exterior habilitado para a circulación.
As datas definitivas das actuacións en cada uno dos sentidos dependerán, en último término, da climatoloxía, pero as previsións que manexa a Xunta de Galicia sitúa o repintado da calzada dereita entre o 1 e o 4 de outubro, o da vía esquerda entre o 8 e o 10 e tamén o 15 de outubro. No caso das glorietas, ramais e símbolos dos enlaces, o pintado ralizarase en días diferentes, 5, 11, 16, 17 e 18 de outubro.