![](/web/cache/scene/uploads/fotos/foto/361/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/5ecfd5d9ec-foto-punto-negro-se-seguridad-vial-en-baltar.jpg)
© Concello de Sanxenxo
Eliminan un punto negro para a seguridade viaria en Portonovo
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A renovación do paso salvacunetas que dá acceso ao barrio de Baltar, en Sanxenxo, serve para poñer solución a un punto negro de seguridade viaria en Portonovo. Os operarios da Consellería de Infraestruturas renovaron este elemento que soporta a diario o paso dun elevado tráfico de vehículos.
O Concello de Sanxenxo solicitou ao departamento autonómico a reparación do paso despois de constatar un grave risco, especialmente para o tránsito de bicicletas e motos, ao detectar importantes gretas e roturas na estrutura.
O novo paso salvacunetas combina formigón e ferro fundido para evitar afundimentos na estrutura e garantir o paso idóneo neste punto de acceso.
Os traballos, que xa están concluídos, tiveron un custo de 12.000 euros.