A Policía Local impón 476 multas, 14 esta fin de semana, por incumprir estado de alarma en Pontevedra
Por Redacción
A Policía Local de Pontevedra impuxo 476 multas por incumprir as normas do confinamento desde que se decretou o estado de alarma o 14 de marzo. A concelleira de Seguridade Cidadá, Eva Vilaverde, fixo públicos os datos este luns nunha comparecencia na que matizou que durante a última fin de semana, no que se permitiu por primeira vez saír a facer deporte de forma individual, os axentes só sancionaron a catorce persoas.
O documento publicado polo goberno local reflicte que do total de sancionados, que ascende a 388 posto que algunhas persoas foron multadas en máis dunha ocasión, o 77 % corresponde a homes.
Na clasificación por idades, os mozos entre 18 e 29 anos son o grupo que acumula o maior número de multas cun 27 % do total, que supoñen un total de 106 individuos. Moi de preto, cun 21 % están as persoas con idades comprendidas entre os 30 e 39, ademais dos de entre 40 e 49. Un 13 % dos multados eran menores de idade e un 14 %, maiores de 60 anos.
Das preto de cincocentas sancións impostas, o 21 % delas recaeron en persoas reincidentes. Segundo o informe da Policía Local, dúas persoas foron multadas ata en oito ocasiones por incumprir o decreto do Goberno, mentres que 22 pontevedreses recibiron dúas multas deste tipo.
Tres denuncias desta clase recibiron 8 persoas, catro sanciones, catro individuos; cinco, un veciño; e seis veces, dous habitantes de Pontevedra.
Relacionadas:
-
A desescalada tamén se nota no número de multas da Policía Local
Por Oskar Viéitez |
-
Desaloxan de madrugada un local de lecer nocturno pontevedrés no que se estaba celebrando unha festa
Por Redacción |
-
O Concello destaca a "normalidade" na primeira fin de semana da desescalada
Por Oskar Viéitez |
-
Un control dunha hora en Benito Corbal detecta oito persoas que se saltaron o confinamento
Por Natalia Puga |