O persoal do ambulatorio Virxe Peregrina recorre a bolsas de lixo ante a carencia de EPIS
Por Marisa Ciordia
Ante a carencia de batas de protección desechables, o persoal do ambulatorio Virgen Peregrina de Pontevedra leva dous días utilizando bolsas de lixo como medio profiláctico no exercicio do seu traballo. É a imaxe coa que se atopaban os usuarios que a comezo de semana tiñan que acceder ao centro de saúde.
Dada a excepcional conxuntura actual, os protocolos de actuación estableceron unha 'barreira' á entrada principal do edificio de Atención Primaria. Nese punto o persoal de enfermería criba o tipo de paciente que accede ao interior, como poden ser revisións de Sintrom, curas, ou outras patoloxías que se seguen producindo á marxe do COVID19. Ao tempo, acceden pola rúa Echegaray as persoas con problemas respiratorios dalgún tipo. Neste lugar hai ademais outra segunda 'barreira' con persoal de enfermería que criba sospeitas de coronavirus.
O pudor calaba entre este persoal "por ter que estar así ante os cidadáns, pero dada a falta de recursos estamos a protexernos e ao tempo protexendo aos usuarios". Outra das máximas que se está seguindo é a consulta telefónica sempre que sexa posible, pero cando non pode ser así o persoal médico tampouco dispón destas batas desechables.
Ademais, a escaseza de máscaras fai que se usen unicamente en casos de pacientes que poidan ser susceptibles de positivos por proximidade con alguén en corentena ou por unha mobilidade xeográfica. Do que si dispoñen por agora é de luvas. "Uns equipos de protección individual nestas circunstancias é o mínimo que podemos pedir", sinalan desde o centro sanitario, petición que se está realizando "todos os días".
Trasladada a tesitura á administración sanitaria, a dirección da Área Sanitaria "asegura que o persoal de Atención Primaria dispón de EPIS, tamén en Virgen Peregrina".
Relacionadas:
-
'Eloxios, agradecementos e protección' no Día Internacional da Enfermería
Por Marisa Ciordia |
-
Denuncian a mala calidade dos equipos de protección para o persoal de Enfermería
Por Oskar Viéitez |
-
A Xunta reparte máis de 13.000 máscaras protectoras aos concellos da área de Pontevedra
Por Redacción |
-
A Xunta entrega EPI's aos concellos de Moraña, Campo Lameiro e Cerdedo-Cotobade
Por Sara Iglesias |
-
Pontevedra supera os 200 casos activos por coronavirus, nove deles na UCI
Por Alejandro Espiño |
-
A Xunta inicia a repartición de mascarillas e luvas entre os concellos
Por Redacción |
-
A falta de material de protección, "principal problema" de Pontevedra ante o coronavirus
Por Alejandro Espiño |
-
Reclaman á Deputación que axude comprando material sanitario
Por Oskar Viéitez |
-
Traballadores da prisión de A Lama lanzan un SOS: "Necesitamos máscaras e luvas"
Por Redacción |
-
A Brilat desprégase en "zonas sensibles" de Pontevedra en canto a tránsito de persoas
Por Natalia Puga & Diego Torrado | Creada e actualizada