A igrexa evanxélica de Monte Porreiro suspende actos polo COVID-19: "Oxalá non haxa histeria nin máis desastre"
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Jonathan Bernard Ontiveros, pastor da Igrexa Evanxélica 'Jesús Vive', situada na rúa Bélxica da urbanización de Monte Porreiro, emitiu un comunicado anunciando que tomou a decisión de suspender todo tipo de actividades desta institución ata o vindeiro domingo 29 de marzo.
Sinala que esta decisión se adopta en conexión con outras comunidades evanxélicas de toda Galicia, que están a levar a cabo diferentes decisións respecto á suspensión de accións relixiosas debido ao coronavirus.
Apuntan a que recibiron información por parte do Sergas para evitar contaxios. Jonathan Bernard Ontiveros finaliza o comunicado pedindo a Deus que "pronto pase esta situación que a todos nos pilla de novatos e que oxalá non haxa histeria nin máis desastre".
Normalmente, esta comunidade celebraba reunións os domingos ás 11:30 horas e os xoves ás 20:00 horas. Trátase de encontros abertos a todas as persoas que queiran asistir.