O patrulleiro oceánico Tornado xa está en Marín
Por Redacción
O Buque de acción Marítima (BAM) Tornado atópase atracado na dársena da Escola Naval de Marín para efectuar unha escala loxística dentro do seu plan de adestramento.
Permanecerá en Marín ata este venres.
Dentro das actividades programadas para estes buques están a medición de emisións electromagnéticas que realizará persoal do Centro de medicións electromagnéticas da Armada (CEMEDEM) sito na Escola Naval, en colaboración con persoal da Universidade de Vigo.
A marinense constitúe a única base naval de apoio da Armada nas Rías Baixas, logo da desaparición da antiga ETEA en Vigo, sendo utilizada frecuentemente non só por unidades da Armada e Países Aliados senón tamén por unidades da Garda Civil do Mar, Servizo de Vixiancia Aduaneira e Servizo de Salvamento Marítimo para realizar aprovisionamentos e servir de apoio loxístico durante as manobras, exercicios e vixiancias por augas da zona.
Aproveitando a presenza do citado buque en Marín programáronse diversas saídas á mar para instrución e adestramento dos alumnos.
O capitán de corbeta Eduardo Guitián Crespo é o Comandante do Buque de Acción Marítima Tornado, cuxa dotación está composta por 45 tripulantes.
Este buque constitúe o cuarto dunha serie de catro construídos nos asteleiros de Navantia en San Fernando (Cádiz).
Están concibidos para levar a cabo misións de carácter militar como o control do tráfico marítimo de mercadorías perigosas e armas, protección a mercantes, intelixencia, protección contra ataques terroristas e de piratería.