As obras na PO-549 en Cambados provocarán o corte dun carril de circulación desde este luns
Por Redacción
As obras de mellora de seguridade na estrada PO-549, ao seu paso por Cambados, provocará o corte dun carril de circulación a partir deste luns 9 de marzo.
Este peche de carril, que levará a cabo entre os puntos quilométricos 7+500 e 9+300 da vía, manterase ata o próximo día 18 de marzo, segundo informa a Consellería de Infraestruturas da Xunta de Galicia.
Para facilitar a circulación, darase tráfico en ambos os sentidos por un mesmo carril, con paso alternativo regulado por semáforos.
A actuación que se está levando a cabo neste vial responde o obxectivo de suprimir un tramo de concentración de accidentes situado entre o final da parroquia de Deiro e a intersección da vía de alta capacidade VG-4.3.
No proxecto contémplase a execución de cuñas de cambio de velocidade para facilitar as manobras de saída ou incorporación á estrada, a construción de dúas semiglorietas para os cambios de sentido nas principais interseccións e a mellora na seguridade nos pasos de peóns e nas paradas de autobús.