A rotura dunha tubaxe asolaga a rotonda de acceso á Autovía do Salnés á saída de Sanxenxo
Por Redacción
A rotonda que dá acceso á Autovía do Salnés nos arredores de Sanxenxo, en Fontoira, converteuse este sábado 7 de marzo nunha especia de piscina.
A causa foi a rotura dunha tubaxe de pluviais, que provocou a inundación de gran parte da superficie asfaltada coa inseguridade que iso supón para os condutores.
O suceso tivo lugar á primeira hora da tarde, e ata a zona achegáronse efectivos de Emerxencias Sanxenxo.
Unha vez no lugar, o servizo municipal de emerxencias procedeu á apertura de reixas para aliviar a inundación para despois limpar a vía para recuperar as condicións de seguridade.
Tamén se mobilizaron efectivos da Policía Local e da concesionaria do servizo de augas para proceder á reparación da incidencia.