Sanxenxo completa as obras das naves do Club de Piragüismo
Por Redacción
A nova sede do Club de Piragüismo xa está acabada. O edificio ten unha superficie de 294 metros cadrados e está formado por 2 naves de 23,50 por 12,50 metros e unha altura máxima de 4,90 metros. Na súa construción investíronse 216.019 euros.
Desde o Concello de Sanxenxo tamén informan que as obras do skate park, valoradas en 163.223 euros, avanzan a bo ritmo.
Estas pistas consisten basicamente en estruturas e pavimentos de formigón ao exterior que se viron prexudicadas polas abundantes choivas dos últimos meses.
Trátase dun equipamento moi demandado que se está construíndo nunha parcela de 1.839 metros cadrados na zona de Baltar.