Concentración ante a Escola Naval de Marín polo despedimento de tres limpiadoras
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/51ed4e25f1d4c-2013-07-2211.09.46.jpg)
© Antonio Millares
![](/web/cache/scene/uploads/fotos/foto/1f6/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/542d741be6-enm.jpg)
© Antonio Millares
Un grupo de traballadores e representantes sindicais concentráronse ante a entrada da Escola Naval de Marín para demandar a readmisión de tres traballadoras que foron despedidas pola empresa adxudicataria do servizo de limpeza na institución militar. A empresa Cleanet tras facerse coa concesión e subrogar os traballadores, despedía a estas limpadoras. Segundo o secretario comarcal de Comisións Obreiras, José Luis García Pedrosa, "non ten sentido porque no concurso non había redución económica para este servizo. O que pasa é que as empresas van á baixa e quen o paga son os traballadores con despidos ou con rebaixa de salarios".
Segundo se manifesta dende o sindicato, presentáronse demandas xudiciais pero queren desenvolver accións sindicais para manifestar o rexeitamento a estes despedimentos dos que responsabiliza tamén o ministerio de Defensa: "hai responsabilidade, non se trata só de sacar un concurso e despois que a empresa faga ou que lle dea a gana. Defensa debería preocuparse de que non afecte aos traballadores".
Os representantes sindicais sinalan que nesta empresa, en dúas ocasións durante o último mes, se comprometeron a estudar unha oferta para recolocar estas tres traballadoras e, non obstante, continúa sen concretarse.