Pontevedra ten fame de touros
![Oskar](/web/cache/scene/uploads/xornalistas/foto/b40/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/573b7bbf54-perfil.jpg)
Por Oskar Viéitez
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/51ecf1bd7957d-dsc_0011.jpg)
CC BY-NC-SA PontevedraViva
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/51ecf2670a1e6-dsc_0015.jpg)
CC BY-NC-SA PontevedraViva
Pouco antes das dez da mañá deste luns unha cola de afeccionados xa agardaba para conseguir unha entrada para os touros.
Os despachos da praza de Pontevedra empezaron a vender as entradas soltas, aquelas que sobraron despois da venda de aboamentos da pasada semana.
O prezo das entradas oscila entre os 40 euros para os xubilados ata os 110 na zona de barreira á sombra. No caso da corrida de rejones, o prezo baixou un 10% respecto ás entradas do pasado ano, movéndose entre os 20 euros para menores de 16 anos en tendido alto, ata os 100 euros na barreira á sombra.
Malia a crise a empresa Prazas e Touros S.L, mantivo a súa aposta polo coso de San Roque mantendo as catro citas taurinas na feira de La Peregrina. Serán os dous primeiros fins de semana de agosto e convocarán no coso de San Roque a varios dos máis importantes espadas do escalafón: Enrique Ponce, Morante de la Puebla, Sebastián Castella, "El Juli" ou Alejandro Talavante, entre outros.
Tal e como suxería o empresario Eduardo Lozano as dúas primeiras corridas son as máis demandadas en despacho.