Tres mozos á fuga da Policía obrigaron a parar o Media Maratón
Por Redacción
A presenza de tres mozos que irrumpiron no percorrido obrigou a interromper o Media Maratón Cidade de Pontevedra durante a súa celebración na mañá do domingo.
Os tres mozos estaban a fuxir da Policía Local pola avenida de Bos Aires e, nun momento dado, cruzaron o cordón de seguridade e pasaron á estrada, de modo que interromperon o paso dos atletas participantes na competición deportiva durante uns intantes.
Axentes que participaban no dispositivo de seguridade establecido con motivo do Media Maratón actuaron inmediatamente e apartáronlles do vial, podendo retomase en moi pouco tempo a competición. Os mozos foron identificados e denunciados por alteración dunha proba deportiva.
Os tres mozos fuxían da Policía porque minutos antes se viran implicados nunha pelexa ás porta dun bar de copas.
Eran as 12.00 horas da mañá do domingo e testemuñas alertaron a Policía Local de que se estaban a enfrontar entre eles. Cando os axentes chegaron ao lugar, fuxiron pola avenida de Bos Aires e protagonizaron o incidente referido.