Entran a roubar nas piscinas de Campolongo e só levan cinco bollycaos
Por Oskar Viéitez
Na madrugada deste xoves entraron a roubar nas piscinas de Campolongo que xestiona a empresa Serviocio. Foi unha das empregadas a que avisou deste suceso ao encontrarse cunha das ventás rotas cando acudiu a traballar ás 7:20 da mañá.
Segundo fontes da investigación, o autor do roubo empregou unha arqueta para golpear unha das ventás da cafetaría. O ladrón golpeou con insitencia para fracturar o dobre cristal do recinto.
Unha vez no interior o delincuente dirixiuse á caixa rexistradora que estaba pechada. As pegadas recollidas polos axentes da policía científica revelan que esta persoa manipulou a caixa de caudais pero ao abrila descubriu que non había diñeiro nela.
Na denuncia presentada en Comisaría da Policía Nacional polos responsables de Serviocio detalla que o autor do roubo tan só se levou "cinco bollycaos".