Adxudicada á empresa COVSA a reforma de Loureiro Crespo e O Castañal
Por Oskar Viéitez
A Xunta de Goberno do Concello de Pontevedra adxudicou de maneira provisional á empresa COVSA o proxecto de reforma da rúa Loureiro Crespo e do barrio do Castañal.
A obra foi adxudicada por 2.113.434 euros.
A portavoz do goberno local do Concello de Pontevedra, Anabel Gulías, reiterou que esta é "a obra urbana máis ambiciosa a nivel económico é unha das obras que máis gañas lle temos porque vai a transformar todo un barrio e toda unha parte da cidade que entendemos que é necesaria".
O proxecto inclúe a execución de seis melloras valoradas aparte.
As melloras son investimentos que poden presentar as empresas pero que están fóra do custe da obra, é dicir, son obras que asumen as propias compañías con fondos propios.
Estas melloras consisten na reurbanización das rúas Ernesto Caballero, Forcarei, Amor Ruibal, Mestre Soutullo, Ramón Cabanillas e Praza das Regas.
Relacionadas:
-
Raíña Vitoria e todo o ámbito entre a Alameda e o Gafos, próximo obxectivo da reforma urbana
Por Alejandro Espiño |
-
O Concello remata o ano cunha "maratón" de adxudicacións por máis de 6,3 millóns de euros
Por Oskar Viéitez |
-
Doce empresas presentan ofertas para reformar Loureiro Crespo e O Castañal
Por Redacción |
-
O Concello presenta aos residentes do Castañal o proxecto de reforma do barrio
Por Redacción |