Doce empresas presentan ofertas para reformar Loureiro Crespo e O Castañal
Por Redacción
Un total de doce empresas presentaron as súas ofertas para executar o proxecto de reforma da rúa Loureiro Crespo e do barrio do Castañal.
A mesa de contratación reunirase o próximo martes para comezar a avaliar as propostas recibidas que, na súa maior parte, achegaron unións temporais de empresas.
As ofertas son de UTE Audeca-Narón, COVSA, Xac - Orega, UTE Alvac - C.P. Abilleira, UTE E.C.Casas - Ramírez, UTE Prace - Ramón Váquez y Reino, UTE Ogmios - Fechi, Elsamex, Civis Global, Excavaciones y transportes Ivanca e UTE Oresa - Anfisa.
Unha última oferta non leva nome porque non cubriu a súa identidade na Plataforma do Estado. Coñecerase o seu autor durante a reunión da propia mesa.
O investimento previsto para esta reforma urbana supera os 2.5 millóns de euros e ten un prazo de execución de once meses.
O proxecto inclúe a execución de seis melloras valoradas en 341.380 euros, polo que a cantidade xeral roldará os 2,9 millóns de euros.
As melloras son investimentos que poden presentar as empresas pero que están fóra do custe da obra, é dicir, son obras que asumen as propias compañías con fondos propios.
Estas melloras consisten na reurbanización das rúas Ernesto Caballero, Forcarei, Amor Ruibal, Mestre Soutullo, Ramón Cabanillas e Praza das Regas.
Relacionadas:
-
Adxudicada á empresa COVSA a reforma de Loureiro Crespo e O Castañal
Por Oskar Viéitez |
-
O Concello remata o ano cunha "maratón" de adxudicacións por máis de 6,3 millóns de euros
Por Oskar Viéitez |
-
Pontevedra probará medidores ambientais en Loureiro Crespo e O Castañal
Por Alejandro Espiño |
-
Campo da Torre e San Roque, próximos obxectivos da reforma urbana
Por Alejandro Espiño |
-
O Concello presenta aos residentes do Castañal o proxecto de reforma do barrio
Por Redacción |
-
A transformación de Loureiro Crespo e O Castañal, 'en parrilla de saída'
Por Alejandro Espiño |