Marín xa respira ambiente de Nadal con achegas de agasallos
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/2d0/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5dfa4e1316-oabeiro_exponadal_2019.jpeg)
© Concello de Marín
![](/web/cache/scene/uploads/fotos/foto/4b4/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5dfa4aea23-san-narciso-ramallo-nadal-2019.jpg)
© Concello de Marín
![](/web/cache/scene/uploads/fotos/foto/14e/_S7QytKoutjK3UsovKMnMzytWsi62MjK0UipKLc6sStUxMjDQSU_/_7NK0kt0inJL1CyrgUA_/5dfa4b1598-visita-talleres-memoria.jpg)
© Concello de Marín
A asociación de mulleres O Abeiro abrían este mércores o mercado solidario con produtos de segunda man e mobles restaurados no espazo acristalado do Multiusos da Praza de Abastos de Marín.
Ata o 7 de xaneiro, en horario de 10.30 a 13.30 horas aquelas persoas interesadas tamén nos traballos elaborados polas preto de 65 usuarias da asociación poderán achegarse ata esta zona e colaborar con esta iniciativa solidaria.
Durante este mércores, a alcaldesa María Ramallo tamén acudía ao Salón de Actos do centro San Narciso onde escoitou as panxoliñas do coro. que interpretou o tema con estilo moderno que compuxeron este ano para celebrar o Nadal. Ramallo recibía tamén unha postal de recordo elaborada por un estudante.
A alcaldesa, acompañada polos concelleiros Marián Sanmartín e Manuel Santos tamén se achegaban polo centro terapéutico para persoas con Alzheimer da Finca de Briz. Este espazo leva en funcionamento desde outubro coa colaboración da asociación Afapo.
O Concello regalaba paraugas ás persoas usuarias, para a continuación achegarse aos obradoiros de memoria, que se desenvolven na estancia lindeira ao centro.