260.000 euros para reparar a cuberta e a fachada do auditorio do Centro Príncipe Felipe
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
A Xunta de Goberno da Deputación de Pontevedra aprobou o expediente de contratación para adxudicar a execución da obra para a reparación da cuberta e da fachada do auditorio do Centro Príncipe Felipe. O orzamento de licitación ascende a 264.815 euros.
A obra pretende resolver os problemas actuais neste edificio construído na década dos 70. Segundo denunciara o sindicato Comisións Obreiras e recoñece o goberno da Deputación, o inmoble presenta filtracións de auga e causa problemas de humidades que impiden lograr os niveis de habitabilidade e seguridade adecuados para o desenvolvemento normal das actividades.
Tanto a cuberta e a fachada contan cun illamento insuficiente. Para evitar esta situación, a Deputación ten previsto cambiar as xanelas, executar unha nova cuberta plana transitable, renovando a impermeabilización da zona non transitable, resolver as xuntas do encontro entre a cuberta e a fachada, e a incorporación de illamento térmico na cuberta.
Relacionadas:
-
O centro de Príncipe Felipe mellora o seu illamento térmico tras rematar obras por un millón de euros
Por Redacción |
-
Manuel García Cendón xa é o novo director de Príncipe Felipe
Por Oskar Viéitez |
-
Adxudicadas obras no Príncipe Felipe por 822.000 euros
Por Redacción |
-
Máis dun millón de euros para reformar o Príncipe Felipe, á espera dun traspaso á Xunta
Por Anxo Lourido & Redacción |
-
A Deputación renovará a fachada e a cuberta do auditorio Príncipe Felipe
Por Redacción |
-
Comisións Obreiras xustifica as baixas de varios traballadores no frío que se pasa no Príncipe Felipe
Por Oskar Viéitez |