Detido por furtar o móbil que a empregada dun bar tiña detrás da barra
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
Axentes da Policía Nacional detiveron un veciño de Pontevedra de 25 anos con antecedentes policiais como presunto autor dun delito de furto por substraer o teléfono móbil da empregada dun bar da cidade.
Os feitos remóntanse ao 9 de xuño, cando unha veciña de Pontevedra denunciou na Comisaría Provincial a substracción do seu teléfono móbil. Explicou que se encontraba no interior dun establecemento de hostalaría da cidade onde traballa depositou o teléfono móbil detrás da barra, ao lado da máquina rexistradora.
Pouco despois comprobou que o teléfono desaparecera e denunciou a susbtracción. A raíz da denuncia os axentes iniciaron as investigacións para tratar de identificar o autor do roubo que deu como resultado a recuperación do teléfono móbil. Unha vez recuperado, os axentes entregáronllo á súa lexítima propietaria.