![](/web/cache/scene/uploads/fotos/foto/_S7QytKoutjK3UsovKMnMzytWsi62MjawUqrKz891Lsov0DGzMN_/_AxNjDQSU7NK0kt0snNTEnJSVWyrgUA_/53488a671a4fe-surf-deputacion.jpg)
© Deputación de Pontevedra
Buscan promover as Rías Baixas como destino turístico preferente para a práctica do surf
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/53488a60eef0e-surf-deputacion-2.jpg)
© Deputación de Pontevedra
A provincia de Pontevedra ofrece unhas condicións "óptimas" para a práctica do surf en diversos puntos da súa costa, segundo a Deputación de Pontevedra. Por tal motivo, o organismo provincial, dacordo con Costas do Estado e a Xunta de Galicia, pretende poñer en valor esta característica e promover as Rías Baixas como un destino turístico para os amantes deste deporte.
Así o decidiron nunha xuntanza celebrada no Pazo Provincial o presidente da Deputación, Rafael Louzán; a xefa de Costas, Cristina Paz Curbera; o alcalde de O Grove, Miguel Pérez; o alcalde de Nigrán, Alberto Valverde; e a alcaldesa de Sanxenxo, Catalina González, xunto representantes dos 12 clubs de surf da provincia. Nela analizaron diversas iniciativas para facer de Pontevedra un destino turístico preferente para os amantes do surf.
A promoción deste deporte convértese en tarefa fundamental que compre non descoidar como así manifestaron representantes dos clubs achegados de O Grove: Tartaruga Surf Center, Raspas Corchos Club-Surf Galicia Experience e Club Escuela de Surf Wai Pia; de Vigo: Prado Surf Escola, Federación Galega de Surf, e Club Windsurf Kailua; de Nigrán: Patos Surf Galicia, Club Surfeiros; de Pontevedra: Riderssurfschool, Mission Surf School, e Golfiño Surf School; e Sanxenxo: Monkey Sup Experience.
Todos eles coincidiron en sinalar que o surf é unha modalidade deportiva que está en pleno auxe e para a que Galicia é unha das principais referencias a nivel nacional. Neste senso, o presidente da Deputación destacou a súa importancia para o sector turístico, un dos sectores estratéxicos da provincia, xa que representa o 12% do PIB e xera máis de 40.000 empregos.
E dentro deste sector, o turismo deportivo é un dos elementos nos que se está a incidir, con eventos como a Vuelta a España. Neste sentido, o surf perfílase como un novo atractivo que, ademais, podería contribuír á desestacionalización, co engadido de achegar a afeccionados de todos os puntos do planeta a través de actividades e probas de interese que se poderían realizar en praias como A Lanzada, Patos ou Montalvo.