Sanxenxo amplía o ancho dos accesos á zona das Canteiras
Por Redacción
Sanxenxo investiu 36.200 euros na mellora do acceso ao lugar das Canteiras, en Noalla. Trátase dun punto que suporta diariamente unha gran cantidade de tráfico ao conectar unha das saídas da vía rápida co núcleo rural da parroquia e, nalgúns puntos, apenas podían cruzarse dous vehículos ao mesmo tempo.
Esta actuación, que está a ser executada por Nexia Infraestructuras, estará terminada nos próximos días, e os traballos realizados consisten principalmente no ensanche da plataforma e a mellora da pavimentación nun tramo de 286 metros de longo.
A ampliación desta calzada permitiu pasar nun tramo de 6 a 7 metros de ancho e noutro de 5 a 8 metros.
Agora, unha vez que se aglomerou o vial e fíxose a preinstalación da iluminación pública, está a colocarse a sinalización tanto horizontal como vertical.
A dotación da iluminación pública executarase nun proxecto aparte proximamente.