A escola infantil da Parda sométese a 'control' policial
Por Redacción
A Comisaría Provincial do Corpo Nacional de Policía de Pontevedra desenvolveu esta semana a súa 'redada' máis especial.
O particular despregamento dos axentes tivo lugar na escola infantil da Parda, onde protagonizaron unha exhibición ante os 122 alumnos e alumnas do centro.
Os delegados de Participación Cidadá da Policía, xunto ao resto de profesionais da Comisaría, dirixíronse ás nenas e nenos para mostrarlles e explicarlles en que consiste o seu traballo e fomentar a confianza na súa figura.
O alumnado da escola recibiu ademais o carné policial e puido ver de preto os coches, motos e outro material que a diario utiliza no seu labor a Policía Nacional.