Catro alumnos do Sagrado Corazón de Praceres finalistas do concurso matemático Pangea
Por Redacción
Catro alumnos do Colexio Sagrado Corazón de Praceres lograron clasificarse para a final española do concurso matemático Pangea.
Eles son: Paula Ferradás Maneiro de sexto de Primaria, xunto con Julia Carro Tomé, Hugo Vázquez Fuentes e Breogán Fariña Fernández, de primeiro de ESO.
Este concurso no que partcipan alumnos de primaria e secundaria de toda Europa consiste na realización de 20 preguntas tipo test que abarcan desde o cálculo á xeometría, pasando pola lóxica, o álgebra e o resto de disciplinas dentro da matemática.
En España presentáronse máis de cen mil alumnos, pasando á final tan só 100 deles por categoría.
Entre este xoves e o venres realizáronse as probas da final, agora quedan á espera dos resultados.