A UNED inicia as obras de ampliación da súa sede de Monte Porreiro
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
As obras de ampliación na sede pontevedresa da UNED, en Monte Porreiro, comezaron coa intención de construír unha nova aula magna e unha sala de conferencias con capacidade para 300 persoas nos terreos axardinados lindantes co actual edificio.
A intención do centro é destinar as novas instalacións á realización de exames e diferentes actividades académicas e culturais.
Na tarde deste luns as autoridades colocaron a primeira pedra dunha obra que conta cun orzamento de 351.122 euros a repartir entre a propia UNED, Deputación e Concello de Pontevedra.
Con catro décadas ás súas costas, o centro pontevedrés da UNED conta no actual curso con preto de 6.000 alumnos matriculados nun total de 52 titulacións diferentes.