Clientes de Movistar levan catro días sen servizo de internet nin telefonía en Campañó
Por Redacción
Desde o luns 29 de abril, clientes de Movistar residentes nos lugares de Moldes, A Galiana e O Piñeiro na parroquia pontevedresa de Campañó atópanse sen conexión a internet e sen telefonía.
Os aproximadamente 20 afectados presentaron reclamacións á empresa a través do 1002 pero os usuarios quéixanse de que a locución que os atende só lles confirma que existe unha avaría na zona maís non ofrece alternativas.
Durante as últimas horas, segundo relatan as persoas afectadas, Movistar enviou un técnico para cambiar os router dos usuarios. Malia iso, cando o operario chega as vivendas comproba que non se trata dun problema deste dispositivo e os veciños continúan sen servizo.
Ante esta situación, as persoas afectadas estudan outro tipo de reclamacións. Entenden que Movistar os ten "abandonados" xa que desde a firma de telecomunicacións só lles trasladaron unha mensaxe de texto na que se lles indica que a incidencia "se solucionará" coa maior brevedade.