A Xunta transfiere a Ponte Caldelas un treito da estrada PO-255
Por Redacción
O Consello da Xunta autorizou este xoves a transferencia ao Concello de Ponte Caldelas do treito da vía provincial EP-0202, que comunica a estrada de titularidade autonómica PO-255 con Pazos de Borbén.
O concello solicitou á Deputación provincial o cambio de titularidade dun treito de 340 metros de lonxitude desta vía. Esta petición dá cumprimento ao previsto nun convenio asinado entre as dúas administracións.
A Administración provincial de Pontevedra acordou aprobar o cambio de titularidade proposto, polo que emite informe favorable para a transferencia deste treito e solicita o cambio de titularidade desta estrada á Consellería de Infraestruturas e Mobilidade.
A transferencia a prol do Concello de Ponte Caldelas tramítase de acordo co previsto na Lei 8/2013, do 28 de xuño, de estradas de Galicia, que debe ser aprobado por decreto da Xunta, por proposta da Consellería de Infraestruturas e Mobilidade como competente en materia de estradas e logo do acordo entre as administracións implicadas.
Co cambio de titularidade aprobado polo Executivo autonómico, o concello de Ponte Caldelas terá a competencia para actuar nesta vía e asume a responsabilidade da súa conservación e mantemento.
O decreto aprobado este xoves polo executivo autonómico producirá efectos desde o día seguinte ano da súa publicación no Diario Oficial de Galicia.