Os institutos Montecelo, Chan do Monte e o Carlos Oroza participarán no FP Innova Galicia 2019
Por Redacción
A Xunta informou que os institutos Montecelo e Chan do Monte e o Carlos Oroza participarán na feira FP Innova Galicia 2019, que celebrará a súa cuarta edición entre o 8 e o 10 de maio.
O IES Montecelo concorre a esta cita con dous proxectos: "Seguridade Memorflex" e "Permacultura urbana" sobre artes gráficas e o transporte e mantemento de vehículos.
Pola súa banda, o IES Chan do Monte de Marín presenta o traballo "Autenticación e firma por medios electrónicos".
O CIFP Carlos Oroza participará coa súa "Gastroaula" que inclúe dúas actividades nas que se elaborarán pratos con hortalizas e verduras.
FP Innova Galicia 2019 desenvolverase no Museo Centro Gaiás da Cidade da Cultura, en Santiago de Compostela, e participarán máis de 8.000 estudantes de toda Galicia, así como docentes e profesionais cos que se poderán intercambiar experiencias e coñecementos.