A Policía Local de Poio imparte clases de educación viaria a 250 menores
Por Redacción
O Concello de Poio completou unha nova edición da súa campaña de educación viaria con alumnos de 5º de Primaria de todos os centros educativos da localidade.
En total, uns 250 nenos de 9 e 10 anos participaron neste programa educativo promovido polo Concello de Poio.
Participaron os alumnos dos CEIP Viñas e CEIP Chancelas, CEIP Espedregada, o CEIP Isidora Riestra, o CEIP de Lourido e o SEK Atlántico.
Os axentes deron formación teoría sobre educación viaria incluíndo unha serie de pautas para ser bos condutores de bicicletas e pasaxeiros en turismos ou no autobús escolar.
A aprendizaxe completouse cunha práctica no circuíto de karts instalado na chaira da Seca.