A Xunta Electoral sanciona a Cidadáns por non retirar bandeirolas colocadas ilegalmente en dúas rúas
Por Natalia Puga
A Xunta Electoral acordou este mércores incoar un expediente sancionador a Cidadáns por non retirar unha serie de bandeirolas colocadas ilegalmente nas rúas Eduardo Pondal e Reina Vitoria de Pontevedra.
Todo xurde por mor dunha denuncia do PSOE pola presenza de bandeirolas de Cidadáns colocadas ilegalmente en ambas as rúas. Xa o pasado luns día 15 de abril, a Xunta Electoral acordou pedir a retirada da propaganda electoral e, ante a inacción do partido, dous días despois, o mércores 17, acordouse sancionar.
Ademais, a resolución da Xunta Electoral inclúe pedir ao Concello de Pontevedra que ordene a "inmediata retirada" das bandeirolas colocadas pola candidatura de Cidadáns nos báculos de luz de Eduardo Pondal e Reina Vitoria. Segundo puido confirmar PontevedraViva, os servizos de limpeza municipais encargados destas tarefas executaron a orde da Xunta Electoral de Zona na mañá deste xoves.
A notificación da Xunta Electoral de Zona de Pontevedra inclúe unha referencia a unha intervención da Policía Local de Pontevedra que, por petición do organismo electoral, revisou a situación das bandeirolas. Unha vez que se comprobou que ás 12.45 e as 12.56 horas deste mércores, dous días despois de que se ordenase a súa primeira retirada, Cidadáns incumprira a orde, a propaganda seguía no seu lugar, acordouse ir máis aló.
O PSOE denunciara a colocación das bandeirolas colocadas nos báculos de Eduardo Pondal e Reina Vitoria co logo de Cidadáns e a cara do seu líder, Albert Rivera, por estar instalada en rúas non autorizadas pola Xunta Electoral. Hai estipuladas unha serie de rúas para a colocación legal de propaganda electoral e ningunha destas dúas vías figuran na listaxe autorizada.
Relacionadas:
-
RADIO.- Chamoute algún líder político coa súa propaganda electoral?
Por Marisa Ciordia |
-
O PP, ante unha sanción por desatender a indicacións da Xunta Electoral sobre a colocación de propaganda
Por Redacción |
-
CC.OO. presentará unha querela contra o PSOE local se non retira as acusacións sobre a autoría das pintadas
Por Nacho Fuentes & Anxo Lourido |
-
Os socialistas levan á Xunta Electoral o "acoso" aos seus candidatos e os "escraches" contra os seus carteis
Por Oskar Viéitez |