A Escola Naval convida a xurar bandeira ao "persoal civil"
Por Redacción
"¡Españoles! ¿Juráis o prometéis por vuestra conciencia y honor guardar la Constitución como norma fundamental del Estado, con lealtad al Rey y, si preciso fuera, entregar vuestra vida en defensa de España?". Esta é a fórmula do xuramento ante a insignia nacional á que a Escola Naval Militar convida a participar ao "persoal civil" que tras responder "Sí, lo hacemos" pasará "de a uno" bicando a bandeira "como un xesto simbólico que supón selar o compromiso con España".
O acto terá lugar o próximo 17 de maio e ao el están convocados os alumnos aspirantes a oficiais reservistas voluntarios.
Todos aqueles que teñan interese en participar e que cumpran os requisitos, tales como ter nacionalidade española, cumprir 18 anos, non ser declarado incapaz por sentenza xudicial firme e, no caso de renovación, transcorrer polo menos 25 anos desde a última vez que prestou xuramento ou promesa, deberán solicitalo na Subdelegación de Defensa de Pontevedra, en horario de 8:30 a 14 horas.
"Este acto, á vez que un compromiso coa patria, establece un vínculo coas Forzas Armadas que transcende da cerimonia en si mesma", explican desde a Escola Naval Militar.