A Xunta inicia o proceso para a adxudicación de vivendas de promoción pública en Marín e Poio
Por Redacción
A Consellería de Medio Ambiente, Territorio e Vivenda, a través do Instituto Galego da Vivenda e Solo, inicia o procedemento para a adxudicación de dúas vivendas de promoción pública dispoñibles nos concellos de Marín e Poio, tal como informa este venres o Diario Oficial de Galicia.
O sorteo dos inmobles celebrarase o vindeiro 22 de abril e realizarase entre as persoas inscritas no Rexistro de Demandantes nestes concellos.