Buscan unha moza de Mourente desaparecida desde o sábado
Por Redacción
SOS Desaparecidos, a Fundación Europea polas Persoas Desaparecidas e a Garda Civil difundiron nas últimas horas a alerta pola desaparición dunha moza veciña de Mourente, en Pontevedra.
Trátase de Judit Jiménez, de 24 anos de idade, 1,55 metros de estatura e 60 quilos de peso, que segundo estas alertas tería baixado a tirar o lixo á primeira hora do sábado 23 de marzo en pixama e non regresou ao seu domicilio.
É unha muller de "pel morena, cabelo longo ondulado negro, ollos negros e etnia xitana", describe SOS Desaparecidos, que tamén sinala que necesita medicación.
No momento da súa desaparición vestía pixama e bata azul con lunares de cores.
Para calquera información deixaron dous teléfonos de contacto (642 650 775 e 649 952 957).