Os pais manifestan a súa oposición ao cambio de dirección na Escola infantil O Toxo
Por Anxo Lourido
Moitos carriños de bebé xuntáronse na tarde deste venres 7 de xuño ante as portas da Escola infantil O Toxo. Cunha concentración de protesta exteriorizábase o malestar polo cambio de dirección do centro. As familias dos nenos con idades comprendidas entre os 0 e os 3 anos que asisten a esta escola móstranse preocupados despois de que a consellería de Traballo e Benestar Social sacase a concurso a praza que durante seis anos veu ocupando Luisa Pereira. Unha directora para a que todo son afagos. Os pais expoñen que "dejas al niño en la escuela y te olvidas. Los niños están felices, ella conoce la situación de cada uno con una coordinación total con el profesorado, da todo tipo de facilidades a niños y padres..."
O caso de Alberto Porto, outro dos pais, resulta aínda máis concluínte: "mi niño sufre convulsiones y si no lo tienen controlado se me puede quedar epiléptico o tonto. La directora y las profesoras están siempre pendientes. Cuando está dentro, el niño ya no quiere salir. Y me dejan entrar para recogerlo cuando con directoras anteriores, este tipo de atenciones no se permitían".
Os que se concentran ante a porta do centro indican que os pais dos 108 nenos que asisten á escola están en contra do cambio. Sinalan que "este puesto tiene que ser vocacional. No se puede adjudicar una plaza a una persona que cumpla los requisitos y nada más. Aquí hay que prestar una atención especial".
Os pais enviaron un escrito e firmas á consellería de Traballo e Benestar Social para intentar frear a substitución da directora. Non obtiveron resposta.
Outro destes pais, Víctor Prieto recoñece que "sabemos que el cambio es legal. Y por lo que nos han comentado, de manera extraoficial, el puesto lo va a ocupar José Antonio García Lores, al menos, durante los 6 próximos meses. Ya no hay marcha atrás. Nosotros nos conformamos con que la persona que venga mantenga el régimen actual, que no nos cambien el sistema". Agardan que a persoa que se encargue do centro os convoque a unha reunión nos primeiros días á fronte da escola.
O día 14 deste mes celebrarase un festival fin de curso que servirá como acto de despedida á directora, tres días antes de que abandone o cargo para incorporarse á súa anterior praza en Santiago de Compostela.
Relacionadas:
-
Os pais da Escola Infantil ''O Toxo' protestan ante o novo cambio de dirección no centro
Por Anxo Lourido |
-
A Xunta atribúe a "un tema de normativa" o cambio de director no Toxo e cre que a polémica se está apagando
Por Natalia Puga |
-
Os pais dos nenos de O Toxo rebélanse ante o cambio na dirección da escola infantil
Por Anxo Lourido |