O pobo viquingo de Roskilde busca en Pontevedra o valor que lles falta para petonalizar a súa cidade
Por Oskar Viéitez & Mónica Patxot
O vice alcalde de Roskilde, Tomas Breddam, á fronte dunha delegación danesa formada por representantes políticos, técnicos e empresariais, atópase de visita en Pontevedra para armarse de argumentos cos que convencer aos seus veciños dos beneficios que supoñerá peonalizar a súa cidade.
Roskilde é unha das cidades de Dinamarca máis antigas. Está situada a 30 quilómetros de Copenhague e ten 47.828 habitantes. Atesoura a maior catedral do país e un museo de barcos viquingos.
O goberno local desta cidade está a considerar prohibir coches no centro histórico pero teme unha reacción adversa da cidadanía polo que quixeron coñecer a experiencia vivida en Pontevedra coa implantación deste modelo peonil.
Así se reuniron co alcalde de Pontevedra, Miguel Anxo Fernández Lores, e outros membros do goberno municipal ademais de técnicos do concello, pero tamén con empresarios para coñecer o seu punto de vista e ese cambio dun rexeitamento inicial á aceptación maioritaria do proceso de transformación urbana. Por iso manterán unha reunión coa asociación de empresarios da pequena e mediana empresa (Aempe).
Por certo que o vice alcalde danés non perdeu ocasión de convidar os xornalistas a que acudan este verán para gozar dos concertos do Roskilde Festival, un dos máis importantes de Europa, que este ano incluirá as actuacións de Bob Dylan, Led Zeppelin, Robert Plant e a catalá Rosalía.
Relacionadas:
-
Pontevedra expón o seu modelo de cidade nunhas xornadas sobre cambio climático en Dublín
Por Redacción |
-
O xornal italiano La Repubblica descobre Pontevedra, a "cidade sen coches"
Por Alejandro Espiño |
-
Stuttgart, Ámsterdam e Dublín miran cara o modelo urbano de Pontevedra
Por Alejandro Espiño |
-
O "éxito" de Pontevedra, segundo Fernando Nebot, é que "no hay tensión" no uso do espazo público
Por Alejandro Espiño |
-
París quere "sabelo todo" de Pontevedra: "Se podo irei", asegura a alcaldesa
Por Alejandro Espiño |
-
Póvoa de Varzim achégase a coñecer a transformación urbana de Pontevedra
Por Redacción |