Póvoa de Varzim achégase a coñecer a transformación urbana de Pontevedra
Por Redacción
Unha delegación municipal de Póvoa de Varzim visitou a Boa Vila estes días para coñecer a transformación urbana experimentada por Pontevedra nos últimos anos.
Cinco representantes da cámara deste municipio portugués, acompañados do seu asesor en materia urbanística, Avelino Oliveira, achegáronse a Pontevedra para participar nunha sesión informativa sobre o modelo urbano.
O alcalde, Miguel Anxo Fernández Lores, dedicoulles un saúdo e departiu con eles previamente sobre asuntos orzamentarios e sobre as diferenzas existentes entre as competencias municipais de ambos países.
Tras iso foron instruídos na recuperación dos espazos públicos de Pontevedra polo director xeral de Urbanismo do Concello de Pontevedra, Xosé Manuel Tato.
Ademais, o concelleiro de Mobilidade, Demetrio Gómez, acompañounos nunha visita pola cidade para observar in situ como funcionan os espazos de convivencia, os tráficos compartidos, as zonas comerciais ou as rúas e espazos públicos recuperados para o tráfico peonil.
Relacionadas:
-
O pobo viquingo de Roskilde busca en Pontevedra o valor que lles falta para petonalizar a súa cidade
Por Oskar Viéitez & Mónica Patxot |
-
París agarda a Pontevedra, a cidade que describen como lugar onde "o peón é o rei"
Por Alejandro Espiño |
-
Carme da Silva fala en Euskadi do modelo urbano pontevedrés como "espazo feminista e alternativo"
Por Redacción |
-
Cathy Tuttle, activista ambiental: "Non teño visto nada igual a Pontevedra en todo o mundo"
Por Alejandro Espiño & Mónica Patxot |
-
Pontevedra toma nota das "supermazás" de Barcelona
Por Redacción |