O Estado escolle á Deputación de Pontevedra entre as entidades que van a definir o modelo de turismo do futuro
Por Redacción
A presidenta da Deputación de Pontevedra, Carmela Silva, amosouse "moi orgullosa" tras ter coñecido a elección da institución provincial polo Goberno do Estado como unha das nove integrantes da Comisión Executiva da Rede estatal de Destinos Turísticos Intelixentes que gobernará a Rede DTI.
Este mércores se puxo a andar esta rede coa sinatura dos protocolos para a participación, impulso, apoio e promoción da rede e coa constitución das comisións. Está integrada por 60 destinos do conxunto do Estado, entre eles Sanxenxo, sendo a Deputación, amais, entidade promotora.
Para Carmela Silva este recoñecemento manifesta que "a aposta da Deputación de Pontevedra pola intelixencia aplicada ao turismo, pola accesibilidade, pola sustentabilidade, pola calidade e pola modernización tecnolóxica do sector turístico, está a ser un éxito".
A Rede DTI vai a ser a encargada de definir o modelo de turismo do futuro.