Xornada de homenaxe ás mariscadoras dos Praceres que se enfrontaron aparello franquista
![Redacción](/web/cache/scene/uploads/xornalistas/foto/_S7QytKoutjK3UsovKMnMzytWsi62MjSxUqrKz891Lsov0DEyAC_/_Il61oA_/506490f5a15ce-c6ku5opwb5qbtijalxd0_reasonably_small.jpeg)
Por Redacción
![](/web/cache/scene/uploads/fotos/foto/67d/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c601e2dbe-20190210-diegotorrado-homenaxe-mariscadoras-12.jpg)
© Diego Torrado
![](/web/cache/scene/uploads/fotos/foto/b32/_S7QytKoutjK3UsovKMnMzytWsi62MjKxUipKLc6sStUxMjDQSU_/_7NK0kt0snNTEnJSVWyrgUA_/5c601e6759-20190210-diegotorrado-homenaxe-mariscadoras-04.jpg)
© Diego Torrado
Chega 60 anos despois, pero non por iso deixa de dignificar o sucedido na ría de Pontevedra hai tantos anos.
A Asociación Pola Defensa da Ría de Pontevedra (APDR) e a Plataforma Non á Ampliación da Depuradora ofreceron este domingo unha homenaxe ás mariscadoras que se opuxeron aos recheos e á instalación da fábrica celulosa.
Fixérono mesmo enfrontándose ás forzas militares do franquismo, o que provocou tras unha protesta a detención de 14 mulleres.
O acto celebrouse no colexio dos Praceres, onde se exhibiu unha curtametraxe realizada por Lukas Santiago e púidose gozar dunha actuación musical.
Paralelamente, impulsouse a colocación dunha placa na zona en memoria do acontecido cuxa inscrición reza: 'Ás mariscadoras que hai 60 anos loitaron contra a instalación da Celulosa, un exemplo de dignidade que non pode caer no esquecemento'.