Os xornalistas de Pontevedra "castigan" co premio Limón a Carmela Silva, por segunda ocasión
Por Redacción
Con motivo da festividade do seu patrón, San Francisco de Sales, os xornalistas e profesionais dos medios de comunicación e de gabinetes de prensa da cidade de Pontevedra celebraron a tradicional cea no Liceo Casino.
O encontro asistiron máis de oitenta profesionais da comunicación que aproveitaron a cita para outorgar os premios Laranxa e Limón ás persoas ou entidades que máis axuden ou compliquen os labores xornalísticos en Pontevedra.
O premio Laranxa recoñece este ano á xornalista de La Voz de Galicia, Malé Larriba, un recoñecemento a toda unha carreira profesional despois de terse xubilado recentemente.
O Premio Limón levouno a presidenta da Deputación, Carmela Silva, polas súas "interminables" roldas de prensa. É a segunda ocasión na que a mandataria provincial é "castigada" pola prensa pontevedresa por este motivo.
A cea estivo organizada por La Voz de Galicia e, por sorteo, serán os compañeiros de Diario de Pontevedra os que a organicen o próximo ano.